انڈیا میں ایک خاتون ڈاکٹر کو ریپ کے بعد قتل کے واقعے کے بعد ملک کی ریاست بنگال میں ریپ کرنے والے مجرم کو سزائے موت دینے کا قانون منظور کرلیا ہے۔
یہ قانون مغربی بنگال کی قانون ساز اسمبلی میں اپراجیتا ویمنز اینڈ چائلڈ بل 2024 منظور کیا گیا۔ بنگال اسمبلی نے مختصر بحث کے بعد متفقہ طور پر بل منظور کیا لیکن ابھی تک صدر کی طرف سے منظور ہونا باقی ہے۔
انڈیا میں اس وقت ریپ کی سزا 10 سال ہے جو یہ قانون پاس ہونے کے بعد عمر قید یا پھانسی کی سزا میں تبدیل ہوگئی ہے۔
یاد رہے کہ 9 اگست کو کولکتہ کے ایک سرکاری ہسپتال میں 31 سالہ ڈاکٹر کی خون آلود لاش ملنے کے بعد بنگال میں مظاہرے پھوٹ پڑے تھے۔
پورے انڈیا میں عام شہریوں سمیت ڈاکٹرز بڑی تعداد میں سڑکوں پر ریلی نکالی اور نعرے لگائے تھے۔
مغربی بنگال میں مظاہرے حریف سیاسی جماعتوں بشمول حکمران آل انڈیا ترنمول کانگریس اور وزیر اعظم نریندر مودی کی بھارتیہ جنتا پارٹی کے حامیوں کے درمیان جھڑپوں میں بدل گئے ہیں۔
