پاکستان کے صوبہ پنجاب کے شہر گوجرانوالہ کے ایک اسکول کی کینٹین پر کام کرنے والے پر کم عمر بچیوں کے ریپ کا الزام ہے۔ پولیس نے ملزم کو گرفتار کرکے بچیوں کے والدین کی مدعیت میں مقدمات درج کرلیے۔
واقعہ گوجرانوالہ کے علاقے سلیم کالونی (تھیڑی سانسی) کے ایک نجی اسکول میں پیش آیا۔ رپورٹس کے مطابق ملزم اسکول کی ایک ٹیچر کا شوہر ہے۔
انہوں نے مزید بتایا کہ ملزم کو گرفتار کرکے اس کا موبائل، نازیبا تصاویر اور ویڈیوز برآمد کرلی ہیں۔ جبکہ والدین کی مدعیت میں ریپ اور چائلڈ پورنوگرافی کے الزام میں کم از کم پانچ مقدمات درج کیے گئے ہیں۔
رپورٹس میں بتایا گیا کہ ملزم کچھ عرصے سے 11 سے 14 سال کی عمر کی بچیوں کے ساتھ ریپ کرتا تھا۔ وہ متاثرہ بچیوں کی تصویریں اور ویڈیوز بنا کر انہیں بلیک میل کرتا تھا۔ تاہم ایک بچی نے اپنے والدین کو اس بارے میں بتایا جس کے بعد ملزم کے خلاف صدر تھانے میں شکایت درج کی گئی اور پولیس نے فوری طور پر ملزم کو گرفتار کرلیا۔